Оңтүстік Қазақстан облысының ауыл шаруашылығы басқармасына жаңа басшы тағайындалды

Оңтүстік Қазақстан облысының ауыл шаруашылығы басқармасына жаңа басшы тағайындалды


17:26, 11 наурыз 2016
444 - рет қаралды

Бүгін Оңтүстік Қазақстан облысы әкімінің өкімімен облыстық ауыл шаруашылығы басқармасының басшысы лауазымына Серік Ордабекұлы Тұрбеков тағайындалды.



С.Тұрбеков 1956 жылы туылған, білімі жоғары, мамандығы – ғалым агроном, ауыл шаруашылығы ғылымдарының кандидаты, К.А.Тимирязев атындағы Мәскеу Ауыл шаруашылығы академиясының түлегі.

Еңбек жолын 1980 жылы «Қаракөл» ғылыми өндірістік бірлестігінің лаборанты болып бастаған. Кейін Оңтүстік Қазақстан облысындағы ауыл шаруашылығы саласындағы ғылыми – зерттеу мекемелерінде ғылыми қызметкер ретінде және бірқатар басшылық лауазымдарда қызмет еткен.

Оңтүстік Қазақстан облысы әкімінің орынбасары, ҚР Ауыл шаруашылығы министрлігінің агроөнеркәсіп кешені Мемлекеттік инспекциясы комитетінің облыстық аумақтық инспекциясының бастығы, «Оңтүстік» әлеуметтік кәсіпкерлік корпорациясы» Ұлттық компаниясы» АҚ басқарушы директоры, басқарма төрағасының орынбасары және бірінші орынбасары, Мақтарал ауданының әкімі лауазымдарын атқарған.

2015 жылдың мамыр айынан бастап Оңтүстік Қазақстан облысы жер қатынастары және жердің пайдаланылуы мен қорғалуын бақылау басқармасының басшысы болып қызмет етіп келді.


Аймақ жаңалықтары

Бүгін, 9 маусым Террористік актінің салдарынан адамдардың құрбан болуына байланысты ұлттық аза тұту күні