Жыл басынан бері Астанада үш мыңнан астам жұмыс орны ашылды

Жыл басынан бері Астанада үш мыңнан астам жұмыс орны ашылды


12:28, 2 наурыз 2016
257 - рет қаралды

Биыл Астанада 19 мыңға жуық жаңа жұмыс орны ашылмақ.



Бұл туралы Астана әкімдігінің баспасөз қызметі хабарлады.

1 наурыздағы жағдай бойынша жылдық жоспардың орындалуы 17 пайыздан асты, нақтырақ айтқанда, 3 мың 265 жаңа жұмыс орны ашылды. Оның ішінде 245-і – өнеркәсіп, 692-сі – сауда, 175-і – көлік және байланыс, 490-ы – білім және денсаулық сақтау, 498-і – құрылыс және коммуналдық шаруашылық саласында болса, қалған 1 мың 165-і – экономикалық қызметтің басқа түрлеріне жатады.

Жыл басынан бері Астана қаласы әкімдігінің Жұмыспен қамту орталығы 1 мың 69 адамды жұмысқа орналастырды.

Жастар тәжірибесінен өтуге 187 түлек жіберілді, 26 адам әлеуметтік жұмыс орындарына орналастырылды.

«Айта кетейік, 3 наурызда Астана қаласының Жұмыспен қамту орталығында (Бейбітшілік к-сі, 25, сағат 10:00-13:00) бос орындар жәрмеңкесі өтеді, онда 2000 жуық жұмыс орны ұсынылады»,-делінген баспасөз мәліметтерінде.


Аймақ жаңалықтары

Бүгін, 9 маусым Террористік актінің салдарынан адамдардың құрбан болуына байланысты ұлттық аза тұту күні